每當你流淚

    立：
    你话我成日都超歌词无好好写过一篇日记！咁我依家就好好地写返一篇日记啦！而且呢一篇日记係为咗你而家写嘅！呵呵~~~~~~~你都算执到啦！有我肯为你而写篇日记！
    由你第一篇日记到今日嗰一篇我都完完整整咁睇过啦！其实从我嘅角度嚟睇，你同‘佢’之间嘅爱情！真係一段网恋嘅经典啦！呵呵！~
    其实一直都好想同你讲，你地嗰段感情，真係只有你付出，或者当局者迷，旁观者清啦，你会唔会觉得你地一齐以来你写嘅日记只有痛苦，开心好似从来无係你地之间发生过，就算有，都好似流星咁样，一闪即誓！根本无办法可以留得住！
    你都唔细啦！总大过我，不过我觉得你总好似个细路仔咁样去看待爱情，有时留得住未必会好，或者分开未尚唔係一件好事呀！我嘅留言本度有咁样一句话，唔知你有无留言得到呢：男人的愛，得不到的愛最是精彩。
    希望你可以去认真咁体会一吓呢句话啦！
    男人哭吧哭吧不是罪，不过啊！喂大佬~~~~你咁样喊落去嘅话，我地D面就咁俾你掉晒啦！喊係无用架！要识得点样去面对现实先得架！现实虽然係残酷嘅！不过唔好灰心，通常上帝係关闭一栋门嘅同时，会为你而打开另外一个大门，希望你可以搵到你追求嘅‘愛’啦！
    其实我讲嘢就真係唔叻啦！希望你可以明白我嘅意思啦！