我的快乐时代——之在足校的日子

jonson_wong [开心] 2008-08-10 23:19:26 星期日晴天查看:502 回复:1 发消息给作者

    球。














    会咗。






    争对手。














    会把电视收到他房里去。
































































































































第一节再见啦…… 自从上次係周会课既电视入面见到文辉畀学校领导係学校门前影底咗佢迟到既录像后，我哋大家都好识做，要就唔好迟到，要就唔好到，因为做呢种全校都识得既名人绝对唔係一件光荣既事。所以经过嗰次后，我每次同文辉去吃早餐都会引来一D唔知乜乜既眼光，而呢个时候文辉就会扮作满不在乎，然后学国家领导人阅兵时咁举起单手向人打招呼。而我每每呢个时候都会保持距离，甚至于见人就声明：我唔识得佢0架！而文辉见我撇下他不管，硬是要拖我下水：“黄忠，那张BEYOND的CD你还没有还给我呢……”——就这样我还是没能逃脱他的魔掌。不过我现在不怕了，因为我就要离开这个学校——我现在怕的可能是大家把我忘掉…… 仲有嗰次因为急住睇球赛而逃课番屋企，结果急得滞加黑仔，係文化宫转弯处碰到班主任，仲直头撞到佢架“坐骑”度，整花咗佢架新车…… 讲还讲啫，听日就要去广西啦，真係好唔舍得，好多学习生活中既趣事一件一件咁浮现…… 下午，第一节係自习课，我本来已经唔使去学校咗，但係我都要番一中同D“老死” 讲声再见，下课铃响咗，同竣杰/文辉……佢哋Say good bye之后，就番咗屋企。收拾好行李，听朝就要去广西啦！讲真嗰句，有D惊，仲未知去到嗰边会点。一开始，屋企人唔应承我去嗰阵，我觉得非去不可，但係依家屋企人同意之后，我突然有D惊青，不过都係兴奋多D。我个人比较中意新环境，觉得可以认识到新既朋友，接触到新既野，就好兴奋（尤其是今次係我最Like既足球）。为咗去学球，同屋企人不知讲咗几多，因为我实在係学校度坐唔落去啦，想想下课就会谂球场度去……最后仲係老豆话：既然係咁，我就畀你去吃D苦，等你知道咩叫辛苦，你都唔知D外省人几鬼勤力，凭你都想同人哋斗？好，即管畀你去一个学期，到时你就会自己叫番屋企，到时就知道可以读书係几幸福既事，呵呵……（冇计！老豆係嗰种——就算你得逞咗，都要窒你两句既人）第二节去咗广西第二日，坐上车之后，居然冇书入面经常写到嗰种“离乡别井”既伤感。可能我真係对水东厌咗，可能我真係好想出到外面睇下…… 咁大个仔第一次自己出远门读书，我已经闻到一D自由既气味啦…… 去既途中，仲因为唔识路，走错咗一段路，几经波折，都係揾到咗学校。生活环境冇想象中0甘好，不过睇完球场之后，我决定就係呢度读，因为呢间学校既球场係全国足校中最大的，企係0甘宽既绿色草皮上，确实让我呢个0甘中意足球既人心动。因为我谂：只要球场好，教练好，其他点都得啦。我去既嗰日，前国家队教练杨礼敏来学校作授课指导工作，学校既教练都係度开紧会，校长叫咗陈自强教练出来，陈教练五十零岁左右，但係身体仲係0甘Fit,行起来俾人好壮既Feel。佢后生嗰阵係广东队踢过我将行李放係7号房，李教练将房里的人都介绍咗一遍：马龙（山东德洲）/舒寅林（上海）/任得秋（上海）。佢地俾我既印象是舒寅林同任得秋呢两个上海仔好“鬼马”，而马龙就是典型既山东人-----性直豪爽，吃得苦，现在他已经在山东鲁能俱乐部踢球了。以前经常听人讲：新来新猪肉，专门係俾人砌的。我就唔係几觉，其实新生的感觉几好，大家做D乜野都会让我，而且比如我星期日去街买咗一箱“新奇士”放係宿舍，绝对冇人会揸我的饮，呢D事係大家熟咗之后就冇可能啦，包保唔够三秒就over. 我们初中队有三个守门员，我连替补都唔係。我刚来学校，守门员衣服都冇几件，所以趁星期六去街转下，买两件球服。最后买了一件“拉齐奥”门服，花哩氯咁，几0岩心水。第一日训练课，係陈教练带既，他先教我移步，手势……。跟住落来係射门练习，三个守门员轮流守门，我注意睇咗一下另外嗰两个守门员守门（一个係湖南既，叫周林翰/另一个係上海既，叫任得秋），的确同我唔一样，他们除咗可以将球扑出外，仲注重姿势，因为姿势对咗，先至唔会受伤，如果做得好，仲会跌得一点都唔痛。我都要比心机练先得！！！任得秋是一个好内向既人，几时见他都係心事重重咁。我係自修课时攞他来看玩笑，话畀他知，他既名係广东话入面既意思係：任由人哋打既意思。结果大家都笑起身，都话要打他，我亦终于见到他笑咗。第三节第一次参加正式比赛再过一个星期就要去南宁市参加广西省足校联赛，我们学校派咗三支队去，一队是高中既，二队係我们初中队，三队係在我们学校冬训的吉林金牛俱乐部，金牛俱乐部借咗一个守门员俾我们二队，我更加没上场机南宁係广西省既首府。我们住係桃源宾馆，两人一间房，环境仲可以，饮食都几唔错。足协为咗避免打假球，将我们二队和三队的比赛放在开幕战，并督促我们唔好消极比赛。比赛在依家广东宏远队既主场举行，我仲没试过企係咁大，咁多座位既球场打球，虽然我上唔到场，但我既心都跳得好快。比赛一D都唔消极，我们二队和三队都好博命，不过没有火药味。比赛结束，2：3输咗，预咗啦。比赛打到第三日，从西藏番来一个前锋，不过他话他呢次番来要改打守门员。Oh! my god!又多一个竞接下来既比赛我哋除咗平一场之外，其余都输咗。而三队就打入四强，碰到八一足校，八一足校实际係天津泰达既三线队，结果我们三队输咗一个球。我亦是第一次现场睇到这么高水平的比赛，默契的传球，有力准确的射门，守门员飞身补救…… 整次比赛结束，三队攞咗第三名，一队也攞咗另一项比赛的第三名，而我们拿了第一，倒数嗰种。我只係在最后一场比赛上咗五十几分钟，虽碰唔到几次球，但总算感受到大赛的气氛。回学校既前一天放假上街玩，李驰带我到南宁最繁华既地方逛，嗰度比较多东西卖，有D专买店，NIKE，班尼路，佐丹奴都有几间，佐丹奴刚好打折，我比较中意橙色，就买咗一件橙色风衣。行过一间酒店门口，有好多人围係一起，我哋过去一睇，原来係几个国家羽毛球队员係度帮人签名，我哋都唔喜欢羽毛球，走人。行咗一整天好累，番到宾馆晚上仲要总结失败原因。大家集中係教练房间，然后叫大家轮流发言，讲感受……我都唔识得讲D咩好，而且我D广式普通话真係几普通下，唯有乱讲咗两句就搞掂。其实有一个秘密教练係唔知道既：我们晚上11点钟过后仲偷偷起身睇电视剧，包括当时大红大紫的《环珠格格》，但是我好憎睇《环珠格格》，觉得好无聊，每次到我都会睡觉，而同房另一个湖南的守门员就好钟意睇。所以在第二天的比赛时，大家都无精打采。最后回到学校后一段时间，教练从一个“二五仔”口中得知咗，以后每次出去比赛，11点过后教练都所以在第二天的比赛时，大家都无精打采。最后回到学校后一段时间，教练从一个“二五仔”口中得知咗，以后每次出去比赛，11点过后教练都会把电视收到他房里去。不过嗰个二五仔最后仲係畀我哋知道係边个咗，睇来佢以后既日子认真难过咯，大家一致———排斥佢！！！大家经过这次“羞家”的比赛后都表示回去要好好练球。而我的短期目标是打上主力。第四节番到学校番学校后的生活千篇一律：周一至五早上六点训练，然之后上文化课，睡午觉，下午训练，晚上上自修，星期六到其他学校打练习赛，星期日上街shopping, “撩”（读作LIU），玩play satian(SONY电玩)係大家既热门游戏。虽然训练是辛苦D，但是经过一段时间后，大家都觉得跟陈教练练球，有好大进步（以前唔係陈教练教），我哋已经同南宁打倒数第一那支队浑然不同。我亦对周围既人同物都熟悉咗，我哋学校一共有四个係电白人，而且都係最高年级既，係学校既大佬，我到学校第一天佢哋就话我听———有咩事就上去揾佢哋，不过我个人好少惹事生非，而且同D队友相处得好好，所以上去揾佢哋一般都係复习下D水东话——如果唔係番到水东就变哑吧架啦！而金牛俱乐部亦结束冬训，番吉林了，虽然我们係一起既时间唔长，但係想到他哋要番到离我哋咁远既地方，不知几时再见，仲真是有D伤心。第五节金嗓子来访听话刚刚从荷兰打完比赛回来既金嗓子足校要来打比赛，看《足球报》上报道话佢哋既战绩係打平挪威，赢咗美国。我们大家都如临大敌，训练更刻苦咗，而且仲要经常係教练面前表现自己，为既都是能够打嗰场比赛。我呢两个月係训练同埋比赛中都得到教练的认可，亦打上了主力。金嗓子足校係柳州。佢哋係早上到我们学校既，中午休息过后，下午就同我哋打咗一场比赛，我发现佢哋既衫度印住“中国CHINA”，比赛结果却出人意料，我们打咗佢5：0，不过可能係因为佢哋刚到，太疲劳咗啫。佢哋紧係唔甘心，并约咗我哋明天下午再赛一场。我们冇原先咁畏敌咗，但係并冇轻视他们。他们带了很多箱“金嗓子”来做见面礼哦，害得我们在背后议论他们学校的球员係唔係攞“金嗓子”当饭吃…… 晚上睡觉铃响了，大家都很安静咁入睡。冇人说话，亦冇人敢讲话，因为按照以往既习惯：如果输球咗，肯定要揾寻日晚上睡觉嗰阵讲话嗰个闹一顿，然之后罚他跪系国旗底下唱国歌。“ 起来…… ” 第二天既比赛，我们仲係6：1赢咗。真係唔知佢哋0既衫係唔係借来既。大家赢咗球心情都好好，番到宿舍冲凉时，一提到“中国”呢两个字就想笑…… 第六节屎捞人今晚唔驶上自修，我同几个“老广”吃过饭后准备到后山走走…… 穿过一条公路，到咗一片田野上，空气非常清新，好舒服。走着走着，突然见到李信係前面，唔知佢从边度整咗一架破旧的三轮车骑，后面坐住两个队友，我哋走过去，都想过过瘾，毕竟好耐冇骑过单车咗。于是，一共六个人坐係一架烂车上，未行几步就翻了一咗个跟斗，大家反应都好快，六人一齐跳下车，都没事，我哋意犹未尽，扶好车，又坐咗上去，呢次冇咁走运，李信驾驶既车由于失控，冲咗落一亩全是泥浆既田度，幸好我哋其余既坐係后面，全都跳咗出去,而李信由于係骑係车坐上既，来唔切跳，结果整得背部全係泥浆，拖鞋唔见咗一只。他爬上来后就往学校既洗澡堂跑，当时学校既人刚吃过晚饭，都坐係学校门口倾计，大家见李信只着一只拖鞋匆匆忙忙咁跑番来，都觉得奇怪（他身体前面宾冇泥浆，但係背只全都係），等李信走过校门时，大家转过头睇到佢既背部，全都笑倒係地上…… 我们五个人亦跟住跑回来，把事情经过话畀大家。所以李信以后就有咗一个新绰号：“屎捞人”。（佢以前的绰号叫“风一般的男子”———不过係佢自己起既。）第七节屋企人要我番屋企读书学期未就到咗，屋企人呢几日打电话过来叫我执好行李番屋企读书，伤心……唔走得唔得呀？……唔得！呢几日学校係度选人打省赛，虽然话我对自己都几有信心，但係妈妈话一定要番，所以我都冇乜心情去理呢D野，但係偏偏咁巧就係选中我，教练仲特登叫我畀心机训练，我唯有老实同佢讲我屋企人要我番屋企读书，教练就攞咗我屋企既电话号码，同屋企人倾咗几次，屋企人最后应承：可以打比赛，但係一打完就要即刻番屋企补课！都好，好过冇！忽然间好想听《时光倒流二十年》，星期日上街转咗下，买咗张《幸福摩天轮》，入面有《时光倒流二十年》，好好听呀！！！仲有EASON坐係天马上面转既样呀！好QUTE呀！《垃圾》唔错喔，吚…呢首歌原来係卢巧音既喔，不过佢番唱得好好听呀！EASON即係EASON…………哈哈……… 第七节打广西省联赛七月份既天气我都唔识点形容，真係热到透唔过气来，依家正好係普通中学放暑假既时候，而我就番唔到屋企，因为七月中旬有广西少年足球锦标赛，学校选出16个队员参赛，我畀人选中咗，要留低训练，睇住佢哋D未选中既队友拎住行李番屋企，我都狠不得跟住佢哋走咗……不过成个学期都过咗，唔通呢几个星期都熬唔过-----专心训练罢啦，因为可能过咗呢几个星期，以后都好难再番来呢度架啦…………谂起都伤心…… 留下来既队员中只有我一个係守门员，我都唔知点解教练只带我一个守门员去打比赛，虽然咁样就可以场场打主力，但係压力亦大咗好多-----责任好重。呢几日既训练主要係以打对抗赛为主，实战练习呀嘛…… 我哋提早两日到咗北海，我係第二次去北海，北海畀我既印象都几好，係个好靓既海滨城市。我哋到咗大会接待处，工作人员将我哋安排到体校招待所，我哋一睇环境----八个人一间房，两台风扇！MY GOD！！！我哋向工作人员提出换地方，但係佢哋就话，想住好既话就自己去揾，我哋只能提供呢度。冇计，教练只好揾咗一间好近教堂既宾馆住…… 比赛前一日，我哋要去比赛场地习惯一下，但係同以往唔同既係---我哋都冇打番原来既位置--我改打前锋，后卫改打守门员，前锋改打后卫。之所以咁做，係因为有其他队既教练队员来睇我哋既训练，我哋自然要放醒目D啦……兵不厌诈嘛！下午，大会公布赛程表，我哋去睇咗下，发现我得既队名排係最后尾，差D冇激死大家——太睇小我哋啦！！！到时候一定要畀D颜色佢哋睇下…………（不过谂谂下又唔怪得人哋既，因为我哋年头係南宁打咗个倒数第一嘛！）第一场比赛係对住上届冠军队傔东道主北海队。上半场一开始我哋就畀攻入一球，但係我反而觉得几好，因为电视入面D情节一般都係最后既胜者先畀人打到冇掟企，然之后再反攻，咁样赢到先至过瘾呀嘛……事实证明我既第七感係0岩既——好快我哋就扳回一球。下半场比赛双方僵持不下，完场前十分钟，北海队又有一个单刀球机会，我出击时将北海队前锋撞倒，虽然我并唔係好痛，但係我见对方前锋训係地上咬牙切齿既样，我惊被裁判判犯规,所以亦装模作样咁抱住右脚，好在，裁判只係判咗一个球门球，如果唔係就冻过水咯…… 完场前三分钟，陈教练换上马龙，马龙虽然係细只D，但係佢好在够搏，只要有一点机会都会去把握，唔惊受伤，果然不出所料，佢就係因为搏晒命去抢球，吓到对方既后卫一紧张，失误咗，马龙即刻搅掂……我哋以2：1取得咗第一场比赛的胜利，一预兆住我哋具有夺冠既实力同希望…… 休息一日。陈教练对北海好熟，今日佢话带我哋去行下北海老街。穿过繁华吵闹既闹市，入到北海既老城区，呢度好静，亦好近海，细心D仲可以听到大海既笑声，我谂係呢度住既人，一定会比係闹市住既舒服，我闻到咗一股用文字语言讲唔去感觉既气息——好比舒服。仲有D老大人家吃完饭后，坐係自家屋企门口度同隔离邻舍倾计，好鬼自在…… 但係始终都要番到市区，0岩0岩仲陶醉係安静舒适之中既大家又开始对街上既靓女指手画脚，所以我谂世界上有好多唔好既事同埋犯罪都係身边周围既环境因素造成既…… 第二场係对住柳州金嗓子队，金嗓子係一支弱队，但係却係一支好有前途既球队，因为对入面有几个队员都係得十四/五岁，好有潜质…比赛並唔係想象中咁好打，虽然最终我哋以1：0赢咗，但係都好险，久攻不下，这场比赛畀我印象最深既係佢哋嗰个后卫仔，佢先至14岁，但係表现出来既大将风范，无论球技，领导能力都驶我相信佢会係一个不可多得既人才…… 第八节第一次打假球三场比赛过后，我哋队已经稳坐榜首，我係房间度已经开始同我同一间宿舍既队长廖阳宇一齐想象攞金杯时既情景咗……讲讲下讲到兴起仲同佢係床上玩摔角！第四场将对住广西足球学校，我哋都同广西足校交过手，实力一般，而且我哋呢场无论输赢都将以小组第一出线入决赛，呵呵，谂下都开心！（谂唔到我哋由当初係南宁既倒数第一走到咗真正既第一），之但係呢场比赛关乎到广西足校能唔能够打入四强，如果佢哋输咗就冇得争前三名咗。我亦因为咁而打咗一场黑球———比赛前一晚，一架小车开如停车场，车牌係桂P既，然后几个人如咗教练房，我哋係外面都估计到乜事啦——广西足校既校长係广西省足球协会主席，点讲都有D头面，教练都识得DO既。果然係赛前准备会上，教练叫我哋听日要“放水”输畀广西足校，并且排上全部替补阵容，主力休息，因为呢次比赛队入面只有我一个守门员，所以我就唔可以休息，不过我亦因此有机会当下队长，戴番次队长袖标。教练最后亦单独同我谈咗一下，主要係话守门员係最容易“放水”而唔容易畀发现既，你打比赛时要注意机会，对方射门要放松D畀佢入，但係又唔好畀裁判发现你係打假球，如果唔係就会红牌出场打唔到决赛，咁就麻烦啦……如果佢哋如唔到球，就要指挥下后卫，等我哋企乱D位，畀机会人哋，总之你见机行事啦……记住我哋一定要输呢场呀…… 哎！冇计！虽然知道咁做唔0岩，但係又有乜法子呢……跟着党走嘛…… 天好似都知道我哋要做坏事，係我哋走出宾馆时下起咗大雨…… 比赛一开始，我先发现广西足校队连我哋既替补阵容都不如，我哋替补係半松半紧既情况下，石远航一脚瞒不经心既远射破门咗，哎！佢又係既，害我要漏多一个球先得，好入唔入，呢个时候居然射入咗，番去先闹佢！！！(未完…………得闲先再接住写……88）