到底怎么啦

    我又去稳她了---横在我家庭中的第三者，同她讲左好多野，我唔知点解要同她讲，或者我真系唔想放弃我的家庭，组成一个家庭也唔容易的，一个家庭要维持更唔容易的，我唔想就噤样放弃了，所以我要去稳她，想知道她的想法，但，真系好残酷的，从第三者的口中听到她好想同自己的老公一齐，仲要乜都可以放弃，不顾一切都要同他一齐，我真系好难受，但去稳她就遇左噤样了，系她厅中我睇到左一D妇幼保健院开的消炎药，原来她真系有左BB，但无要，我个心真系好痛。我明知系痛，我点解仲要去揭开个伤口呢？他地伤得我真系好重，我真系怕我自己会好唔起来，依家我仲系谂她，我真系唔想谂，但仲会想像他地开心的时候，我个心真系好痛！我唔知点样先可以走出呢个阴影。
    果晚同他商量，我话我呢一两年，或者系近期内内都唔想要BB，他问我点解，我话依家我去充实下自己先，我明年去进修，一进修就要三年，我唔想噤快要
    BB，也唔想噤辛苦，也想有更好的经济基础先要，而且仲有陈秋羽（他前妻的），等她大小小先，我也唔系好大只得25岁，他话他已经33岁了，再过几年就老了.......
    最后也顺左我的意思，其实他应该明白，我点解要噤样做。
    我依家真系无能力给予一下代幸福，因为我连我自己都唔知自己可唔可以行得落去，我唔想连累下一代，我唔想用子女来绑住一个家庭。我唔可以牺牲子女的幸福来维持一个家庭，而且噤样谁也不会有快乐，会有幸福。
    我都唔知依家点样，每日都系好似公式一样，我唔知他究竟系点谂的，我也知道他地仲有联络的，但我真系唔知应唔应该再等落去，我真系唔知他几时先会回心，我也唔知他对她究竟仲有乜野？感情？责任？如果无感情了，他也唔会再去稳她了，责任？因为他伤害左她？因为怀了他的BB而唔要了？究竟系乜野呢？我真系好烦，我唔知点样去控制自己的情绪，我总系会谂好多野，我知道，如果自己仲未放低，噤样落去好会辛苦，但我真系唔知点样放得低？
    边个可以教下我呢？？？？