每当见到佢

我唔明自己而家嘅心情究竟系点？点解我每次见到阿鸡，我都会好怀念以前，怀念同佢一齐嘅点点滴滴，怀念佢对我嘅好，总之以前同佢一齐所发生嘅野都仲会记得，都过佐几年时间啦，点解我仲会记得同佢嘅过去？？系因为我仲有钟意佢吗？我自己都唔知，但，如果我仲有钟意佢嘅话，点解每次我见到佢先会谂起以前嘅野，如果无见到佢，就唔会谂起。每当见到佢嘅时候，我自己就会好情不自禁咁成日都望住佢，好想同佢倾计，但自己无咁嘅胆量行过去同佢倾计，因为每一次见到佢都系系酒吧，佢同紧佢D朋友，而我又同紧我D朋友。到玩完之后我就会情不自禁咁发信息俾佢，我真系唔明自己而家系咩心态？有时有D后悔自己当初离开佐佢，不过我知后悔都无用，只要佢过得开心，就得啦。
琴晚都几开心，因为佢来佐我上班度稳我，同我倾佐一阵计，我自己都估唔到佢竟然会来稳我，当佢出现系我面前嘅时候，我觉得好突然，而且仲好开心，我唔期待同佢仲会有D乜野，但有时只要佢会同我倾下计，我就已经心满意足了。