哇,好耐没写日记了,算下算下都有一个月了,一个月时间系可以发生好多事,有好啦有唔好啦,而我好似忘记左甘,都唔知好定唔好了.
真系谂唔倒第六心情日记网站要关门喔,好彩系将之前D日记可以保存番,哈哈.
我本身都谂住去博客写日记,但发现原来里面好乱,好多野,我超唔钟意,其实我钟意简单静D环境写日记嘎.
不过,我谂唔明系,点解甘多人钟意去博客写野,如果系写社会方面D评论总可以既,尤其系无聊D人,或者吃依行饭D人都得既,但其他人都去热闹,真系时间多得剂,或者闲人一个了.
好似果种人时间唔够用果种人黎讲,边得闲去睇嘎,我就系其中一个咯,依家连最钟意睇既电影都唔睇了,波都唔踢添,先闭!
一晃就一个月了,一个月有三十日,其实我没忘记写日记嘎,只系没心情写,又或者自己都唔想写,事关都唔知自己写黎做咩,有咩用?讲真啦,如果真系有心写,就唔会等到今晚先写啦.
其实,问题都唔系有没心写,亦唔系所谓既写黎做咩野,其实根本原因系自己变左了,世界观人生观的变化系无常嘎,所以,对每件事情都会有同以前唔同的观念,好自然行为跟住思想走,米一齐变咯.
我唔知甘样系对定唔对,感觉自己已经倾向于利益路线行,感觉自己每件事所付出就系有目的,而且系要好结果果只,没利益出现身上,就会唔开心就会觉得自己没用,等等.
哎,我觉得人生其实好短暂,此时此刻我对住部电脑已经有十几年了,几快!!三十出头了,哎.但同时我又认为人生系好无奈.其实一切情绪感受都系睇自己既环境所致,边个唔想在世时候过得好好呀?
依个世界真系好唔知点,回忆起过往真系好怪,咩都系.
当拿到第一份粮果阵时,我记得系一百八十蚊,因为先上左半个月班,哎,依家谂起真系够少咯,半个月都唔短呀,先一百八十.不过,当时我好似好开心甘既,跟住就唔洗讲啦,出去玩咯.
慢慢见到别人拿多自己一倍两倍三倍四倍,个心就开始唔满足了,希望自己同人一样,换左份工竟然拿到千几蚊工资,又好开心喔,觉得自己好运,但又见到别人拿到比自己多几倍,慢慢又唔开心了,哈.搞笑
日后,又拿到同人一样工资,又唔满足了,要想办法同科长一个档次........
都系唔讲了,讲落去都唔知讲到几时添,反正就系无人会满足嘎,究竟系贪心欲望定系所谓既上进心导致,都搞唔清楚了,只知道两者都有一个共通点,就系得到收获的付出系好多好多,而且系好多时候别人见唔到的情况下,只有自己先知情况下.
爱情就唔想讲了,我发现爱情就系最烦人既其实,爱得好就两人都开心没咩野,爱得唔好就累死人了.所以,真系讲黎晒气,睇天意点安排总好,个结局.
两点半了,睇波.
