寻日无写日记。
先讲一件令人轻松既事，我又写完一篇读书报告啦。唉，虽然唔知写得掂唔掂，过唔过度骨，但系总算把整个大体写左出来，算系松左一口气。
但系到左假期既最后一日，哦哦，我今个假期都无出过去玩，一日到黑就系对住电脑，或者写嘢，或者睇嘢、听歌。好似无做度乜嘢咁，假期就过左咯，不过或许如果我出左去玩无做完读书报告，我亦都会好后悔既。不过，下次有机会，遇到自己中意既人，就一定要去睇距既演唱会或者音乐节。
今日又同XWN出去食饭，好似次次无人陪就叫人地唔系好好，但系的确系无人陪我啊嘛，而我如果无得出去食饭又会咁空虚。好彩，出去食饭之后，成个人又会开朗番，我都唔明呢个系乜嘢道理，或许我呢个人就系咁幼稚。
幼稚，幼稚，上一篇日记，有一个网友俾我既留言系“幼稚”。距讲我幼稚，我嬲唔嬲距？其实，我一瞬间既反应系吓死。我既日记竟然有人会睇，因为本来我就系怕自己健忘，为左记低啲事个啫，无捻过真系会有人睇，而且留言。当然，留言内容系极其符合我呢个人既，我唔会因为有人话我“幼稚”而点，因为俾人话惯，但系唔捻过原来我既幼稚系咁明显既，从一篇日记入面，就睇得出，呢个先至系我最好奇既地方，而且，我系用白话写既，要睇明既话至少系广东人或者香港人？由于而家生活系北方，对讲白话既人好感就会增加，如果唔系唔知距系边个，联系唔到距，我一定会问距由边度觉得我幼稚，或者想同距一起玩……可能距唔肯，但系对交网友我从来就系咁。
